Molecular Biology 101

البيولوجيا الجزيئية 101 — رحلتك الكاملة من الـ (DNA) للبروتين

كل حاجة في جسمك — من لون عينيك لطريقة عمل خلاياك — بتبدأ من جزيء واحد صغير اسمه الـ (DNA). بس إزاي المعلومات دي بتتحوّل لحياة حقيقية؟

في هذا الكورس البانكدل هتتعلم الإجابة خطوة بخطوة من خلال أربع كورسات متكاملة:

في الكورس الأول هتتعرّف على بناء الـ (DNA) وتفهم إزاي تركيبه الفريد بيخليه يقدر يخزّن المعلومات الوراثية ويحميها.

في الكورس الثاني هتتعلم إزاي الخلية بتنسخ الـ (DNA) بتاعها قبل ما تنقسم، وإيه الإنزيمات اللي بتتحكم في عملية التضاعف (Replication) دي بدقة مذهلة.

في الكورس الثالث هتفهم عملية النسخ الجيني (Transcription) — إزاي المعلومات بتتحوّل من الـ (DNA) لرسالة اسمها الـ (mRNA) عشان تتنقل لباقي الخلية.

في الكورس الرابع هتشوف إزاي الرسالة دي بتتترجم لبروتين شغّال (Translation) — وده اللي بيتحكم في النهاية في كل وظائف جسمك.

الكورس ده مش بس معلومات — ده الأساس اللي هتبني عليه فهمك لأي مجال في علوم الحياة سواء كان بيوتكنولوجي أو طب أو صيدلة أو بيوإنفورماتيكس.

بالتوفيق ..